الادب بين الناس اصبح معدوم لماذا ؟
بسم الله الرحمن الرحيم
حبيت اضيف لكم موضوع جميل واتمني انه يعجبكم واتمني ايضا مشاركتكم باراءكم الجميلة
هو موضوع هام جدا وموجود في حياتنا يوميا وموجود في انفسنا كمان بس احنا دايما بنخبيه حتي علي انفسنا
هو موضوع انعدام الادب بين الناس وبين الاهل وبين الجيران وبين الاصدقاء في العمل وبين الناس في كل مكان
طبعا في ناس كتيرة مش هتكون موافقة معاي في الراي بس احب اسمع رايهم
لاننا يا جماعة فعلا انعدم الادب بينا تصوري معاي كمان لم يوصل لحد عدم احترام الابن لابيه مشكلة كبيرة جدة لما الابن يعصي ابوه ولا يحترم اي شئ يقوله ابيه مع اننا علي علم ان الاب دايما وابدا يحب الاحسن والاحسن لابنه وطبعا انا بقول علي ناس معينة يعني مش كل الناس كده
تاني حاجة انعدام الادب بين الاهل واظن اننا عايشين في بيوتنا وعارفين الا بيحصل بين الاخوة والاخوات من مشاكل وقلة ادب مفيش احترام اخ صغير لاخو الكبير ولا اختي لا اخوه بيخاف عليه وترد عليه بكل وقاحة انا حرة مع ان الاخ خاف علي مصلحة اخته مع احترامي للبنات ولكن بيحصل يا جماعة اكتر من كده واكيد انتوا عارفين
تالت حاجة انعدام الادب بين الجيران مع ان الرسول صلي الله وعليه وسلم بيوصي علي الجار لكن فين دلوقتي المشاكل بين الجيران كتيرة قوي ومفيش احترام وادب بينهم وكل جار دلوقتي بتفنن في اذيته جاره وده من عدم الادب بينهم ولا احترام حرمة الجار
الادب كتير قوي بس مهما قولت مش هقدر اكتب عن حاجات كتيرة احنا عايشين فيها وعارفنها كويس وتمر علينا في اليوم 100 مرة يا جماعة الادب فضلوه عن العلم يبقي ليه قلة الادب الا منتشرة الايام ده في كل مكان ودينا الجميل بيوصنا بالادب في كل شئ فارجو ان يعجبكم الموضوع بس هو مش موضوع مناقشة بس انما هي مشكلة فعلا في حياتنا واحب اسمع ارئكم الجميلة في اي شئ يخص الادب وازي نقدر نخلص نفسنا من هذه الظاهرة السيئة مع خالص تحياتي
